தமிழ்

உன்னை தெரியாது என
உடல் சிலிர்ப்பவனையும்,

உன்னை பற்றி சொல்லி தரவில்லையென
பிறரைக் கைக்காட்டுபவனையும்,

உன்னை தெரிந்தும்,
தெரியாது போல் பாசாங்கு செய்பவனையும்,

"கண்டு உனக்கு கோபமே வராதா"
என நான் கேட்க,
துளி சிரிப்புடன் பதில் சொல்கிறாய்...

அவன் விழுந்தால்
"அம்மா" என
என்னைச் சொல்லி அழுகிறான்...

அவன் பதறினால்
"அய்யோ" என
என்னைச் சொல்லி கூவுகிறான்...

அவன் பெயரை அழைப்பவர்கள் கூட
என்னைச் சொல்லி தான் அழைக்கிறார்கள்...

இப்படியிருக்க
நான் வேறு
என்ன செய்ய வேண்டும்
இவர்களை?

"வாழ்க நீ"
என குதுகலமாய் நான்!